Willie Revillame: Ginagamit sa panloloko

Willie Revillame

 Naglabas ng warning ang Wowowin sa Kapuso viewers na mag-ingat at huwag magpaloko sa online scams at fake social media accounts. 

Gagawin nilang magsampa ng kaso laban sa mga pekeng accounts na gumagamit ng pangalan ng programa o ni Willie Revillame para manloko.

Ayon sa kanilang babala: “Masugid na hinahanap ng aming team ang pekeng pages na ito. At kung mapatunayan na ginagamit ang programa o si Kuya Wil upang makapanloko, agad-agad namin kayong sasampahan ng kaukulang kaso.”

Pinaalalahanan din ng Wowowin na para sa proteksyon ng mga nais sumali sa 'Tutok To Win' ay ipadala lamang ang kanilang contact details sa pamamagitan ng private message o PM sa official Wowowin Facebook page.

Tumutok nang live sa Wowowin mula Lunes hanggang Biyernes sa TV, YouTube, Facebook at Twitter.

*****

Dahil sa enhanced community quarantine, sa bahay na lang nag-honeymoon ang Kapuso singer Aicelle Santos at asawa nitong si Mark Zambrano.

Kinasal noong November 2019 sina Aicelle at Mark.

Babawi na lang sa na postpone na honeymoon 

Ayon kay Aicelle, okey lang daw na ma-postpone ang kanilang honeymoon dahil kontento na sa bahay na lang sila. 

“Mas nakikilala namin ang isa't isa kasi mula naman nu'ng kinasal kami at tumira sa iisang bubong, busy pa rin kami pareho. May trabaho kami, so hindi rin kami nakakapag-spend ng time together. Ito 'yung aming 'pseudo honeymoon',” sey ni Aicelle. 

Dagdag pa niya, mas marami raw silang oras na gawin ang mga newlywed couple activities gaya ng paghuhugas ng pinggan, pagluluto, at maging paglalaro ng computer games. 

Naka-schedule sanang lumipad sina Aicelle at Mark patungong Japan para sa kanilang honeymoon dahil mahilig daw sila sa mga Japanese food. 

“Wala na muna kaming iniisip na pagre-rebook kasi hindi natin alam kung ano bang mangyayari after nito. Siguro safety muna, magandang dito muna tayo sa kani-kanilang mga bahay,” diin ni Aicelle.

*****

Sa kauna-unahang pagkakataon ay nag-post ng picture ang Kapuso actress na si Solenn  kasama ang 4-month old daughter na si Baby Thylane. 

Sa caption ni Solenn, sinabi nito ay: “Best days at home getting to know your pure gentle sou. Te amo Thylane....”

Soleen with baby Thylane

Cute na cute ang netizens sa precious moment ng mag-ina, at inulan ng heartwarming messages ang comment section ni Solenn mula sa fans at mga kaibigang artists. 

Sana daw ay dalasan pa ni Solenn ang pag-upload ng photos na kasama niya ang baby girl.

*****

Para gumaan ang pangangamba ng publiko dahil sa patuloy na paglaganap ng COVID-19 sa bansa, naglabas ng isang initiative ang GMA Music gamit ang ba’t ibang mga kanta sa ni-release na compilation album.

GMA Music Artists for the fund raising proj\ect

Ayon sa post via Instagram: “A compilation album with the most #Heartfelt songs we've ever produced will be available for streaming in 3 days!" 

Makakasama ang mga singles nina Alden Richards, Kyline Alcantara, Rita Daniela, Princess Velasco, Kristoffer Martin, Golden Canedo, The Clash alumni, Migo Adecer, at Jolina Magdangal. 

Siguradong tatagos sa puso ng mga makikinig ng album na ito kaya abangan ang launch nito. 

Sundan ang mga updates ng GMA Music online!