Janine, Ruru, Mikael at Megan: Mga ganap para iwas pagkaburyong

Janine, Ruru, Mikael and Megan

 Sa bigat ng problemang dinadala ngayon ng buong mundo dahil sa patuloy na lumalaganap na COVID-19 pandemic, marami ang nakakalimot na bigyang halaga ang maliliit na tagumpay na ating nakakamit sa p  ang-araw-araw gaya na lamang ng mga simpleng gawaing-bahay. 

Ito ang natutunan ni Miss World 2013 Megan Young habang naka-quarantine kasama ang asawang si Mikael Daez sa kanilang tinitirahang condo.

Megan-Mikhael nag-enjoy sa Cambodia

Sey ng Kapuso actress, upang manatiling positibo sa kabila ng lahat, iniisip niya ang kanyang na-accomplish na goals - maliit man o malaki. 

“When I need a boost of happy thoughts, I think of all the "wins" that I've had throughout the week - random things that made me happy during the week.” 

Sa kanyang Instagram post, ibinahagi ni Megan ang maliliit niyang tagumpay sa linggong ito gaya ng pagkukumpuni ng PC nila ni Mikael na gamit ng dalawa upang maglaro ng online games, ang cute na espresso shots na in-order ng asawa, at maging ang paboritong santol na dala ng kanyang kapatid. 

Samantala ay isang throwback video ang in-upload ng Kapuso actor na si Mikael Daez recently sa kanyang YouTube account. 

Ito ang una nilang international trip ng asawang si Megan kunsaan nagbakasyon sila sa Cambodia. Isang beach sa Sihanoukville ang binisita nila. 

Sey ng actor sa kanyang caption: “Another throwback vlog!! As usual, I missed my Throwback Thursday opportunity but why can't we do throwbacks on Sundays, right?! This is apparently my first international vlog with Bonez. I'm pretty sure we never announced we were official. I wonder what people thought back then hmmmmm..."

Sa naturang video, manghang-mangha si Mikael sa ganda ng white beach ng lugar.

“We have only been in the beach for ten minutes and I'm in love. I don't know about her, it is beautiful here. Beautiful!"

*****

May realizations daw ang Kapuso actor na si Ruru Madrid habang naka-quarantine sa bahay. Kuwento ng aktor, mas nalaman niya ang importansya ng pamilya sa mga ganitong sitwasyon. 

Ruru may na discoverbduring the lockdown

“Because of COVID-19, na-realize ko na dapat every single moment, ini-enjoy na natin. I mean, 'yung mga panahon na puwede pa nating sabihin sa mga taong mahal natin na mahal natin sila, sabihin na natin hangga't kaya nating sabihin. Kasi, hindi natin alam kung ano 'yung mangyayari."

Dagdag pa ni Ruru, sinasamantala rin daw niya ang panahon na ito para tumuklas ng mga bagong pagkakaabalahan o hobbies.

Napapanood ngayon ang rerun ng kinabibilangan niyang telefantasya na Encantadia sa GMA Telebabad.

*****

Sa latest vlog ng Kapuso actress na si Janine Gutierrez, ipinasilip niya sa kanyang fans at followers ang mga pagbabago sa kanyang pamumuhay habang naka-quarantine na mag-isa sa kanyang condo. 

Janine, busy sa gawaing bahay

Ayon nga kay Janine, marami siyang bagong natutunan na gawin katulad ng pagluluto, paglalaba at paglilinis ng kanyang bahay. 

Nagkaroon din siya ng house tour sa kanyang condo at ibinahagi niyang nahihilig siya ngayon sa pag-aalaga ng mga halaman. 

Kelan lang ay nakuha ni Janine ang Silver Play Button mula sa YouTube matapos makakuha ng 100,000 subscribers sa kanyang account.