Chynna at Barbie: Ang kanilang kanta at pampaganda

Chynna Ortalea and Barbie Forteza

 Nagkuwento si Chynna Ortaleza tungkol sa kanilang original song na sinulat nila ng kanyang mister na si Kean Cipriano titled "Sulyap."

Ayon sa Instagram post ni Chynna, unang binanggit ni Kean sa kanya ang opening line ng "Sulyap” habang nasa labas sila.

Chynna and husband Kean

“Isang gabi nag-dinner kami ni @markcarpio at @kean Nakapagkwentuhan at habang naglalakad kami binanggit niya sakin ang opening line ng kanta na ito.

“Nabuo namin ni Kean ang kanta sa sala ng dati naming bahay. Kagabi naman habang nasa sala, sinubukan namin kantahin ulit."

Dagdag pa ni Chynna, dati ay napatanong siya kung si Kean na ba ang sagot sa dalangin niya.

“Napatanong kasi talaga ako dati nung nagsisimula nang lumalim ang damdamin ko kay Kean.. Ikaw na kaya sagot sa dalangin ko? Siya nga. AMEN! Thank you Lord!"

Maaaring mapanood ang kanilang performance ng "Sulyap" sa IGTV ni Chynna sa kanyang Instagram account. 

*****

Hindi man makalabas dahil sa banta ng COVID-19, mahalaga pa rin daw ang pagpapahalaga at pag-aayos ng ating mga sarili ayon kay Kapuso Primetime Princess Barbie Forteza. 

Sa kanyang YouTube vlog, nag-share si Barbie ng tips kung paano magkaroon ng makinis na kutis lalo na ngayong summer at matindi ang sikat ng araw. 

Sa vlog ay ipinasilip ni Barbie kung paano siya naghahanda upang ma-achieve ang kanyang ‘natural look’ kahit pa indoor picnic lamang ang pupuntahan. 

Barbie

Sey ni Barbie, ang tatlong pinakamahalagang skincare products na dapat gamitin ngayong tag-araw ay ang toner para ma-seal ang pores, moisturizer panangga sa dry skin, at sunscreen bilang proteksyon sa araw. 

Dagdag pa niya, depende pa rin daw sa skin type, daily routine, at lifestyle ng tao ang dapat na gamiting skincare products. 

Gaya na lamang niya na hindi raw hiyang sa Korean skincare routine kung saan umaabot sa sampung produkto ang iyong gagamitin sa mukha.

“Well sa experience ko after trying a lot of products and after ko mag-try ng iba't ibang routine, I even tried the Korean skincare routine and hindi siya nag-work sa'kin. Para sa'kin, mas nag-work ang less products.”

Samantala, kahit di muna napapanood ang pinagbibidahang serye kasama si Kate Valdez na Anak Ni Waray Vs. Anak Ni Biday, napapanood pa rin si Barbie sa rerun ng Meant To Be tuwing gabi sa GMA Telebabad.

*****

Marami ang bumilib sa ipinakitang professionalism ng GMA News anchor na si Connie Sison sa naging live interview niya with a high ranking government official na napanood last Tuesday sa Unang Hirit.

Connie Sison

Kahit kasi tila tumataas na ang boses ng nasabing opisyal, magalang pa rin si Connie at poised sa pag-handle ng nasabing sitwasyon. 

Marami sa mga manunuod ang nagpahayag sa social media ng kanilang pagsaludo kay Connie dahil pinatunayan niya lang kung ano ang dapat ginagawa ng mga mamamahayag—ang manatiling objective at tanungin ang mga nais ding itanong ng publiko kahit minsan ay tila nababalingan sila ng init ng ulo ng kausap nila. 

Hindi raw ito madali lalo na sa mga panahon ngayon. Kaya, saludo ang marami kay Connie!