Maine Medoza, happy sa piling ni Arjo Atayde noong birthday niya

Belaaat.. ang mahalaga happy sina Arjo at Maine

Masayang nag-celebrate ng kanyang 25th birthday si Maine Mendoza sa El Nido, Palawan noong March 3.

Kinilig naman ang kanyang mga fans nang mag-post si Maine ng picture sa Instagram ng isang lalaking nakatalikod at nakaupo sa buhangin habang nakatingin ang guy sa sunset.

Hindi man pangalanan ni Maine ang guy na kasama niya sa Palawan pero sa looks pa lamang nito ay malalaman mong si Arjo Atayde ang kanyang kasamang nagbakasyon sa beach.

"Grateful for many things," ang tanging caption ni Yaya Dub sa picture na umani na ng higigit 183,000 likes sa IG.

Maine with her future sister-in-law Ria and Gela

Mukhang smooth sailing ang relasyon nila Maine at Arjo at walang humahadlang sa kanila harangin man ng sibat.

Kahit ang award-winning actress na si Sylvia Sanchez, mother ni Arjo, ay aliw na aliw kay Maine.

Remember nitong February lang nang nakipag-bonding si Maine sa family ni Arjo at tinuruan niya silang lahat sa bahay na sumayaw ng "Tala." Pinost pa ni  Sylvia ang video sa social media.

Inamin naman noon ni Sylvia na alam niya ang lakad ng kanyang mga anak lalo na pag-pupunta ang mga ito sa abroad.

"Siyempre ako ang nanay kaya alam ko na magkasama sila," sagot ni Sylvia sa mga nakapaligid na media sa kanya noon.

Sinabi rin ni Sylvia noon na kung saan masaya ang kanyang mga anak, su-suporta na lamang siya sa kanila. "Basta masaya sila, masaya na rin ako."

Ang suwerte naman ni Maine! Kung magkakatuluyan man sila ni Arjo, wala pala siyang magiging problema sa mga in-laws niya.

*****

KC flaunts her sexy body in a sexy bikini

Enjoy rin si KC Concepcion sa kanyang beach vacation sa Boracay kung ang kanyang mga Instagram photos ang pagbabatayan. Nakapag-isip daw siya ng seryoso at malalim sa kanyang beach vacation.

Ano at sino kaya ang iniisip niya ng malalim noong nasa bakasyon siya? Ang kanyang mother kaya na si megastar Sharon Cuneta?

Alam natin na hindi close ang mag-ina ngayong mga panahon na ito. Nagtampo si Sharon nang hindi sumipot si KC sa surprise birthday celebration para sa kanyang mama na ginanap sa ASAP noong January.

Kasunod nito ay nalaman na lamang ni Ate Shawie sa mga tsismis na may relasyon daw diumano sila KC at Apl De Ap, member ng sikat na grupong Black Eyed Peas.

Wish ni Sharon na maging close uli sila ng panganay niyang anak kay Gabby Concepcion.

Sa kanyang Bora vacation, walang kiyemeng ipinakita ni KC ang kanyang voluptuous body sa Instagram kamakailan lamang.

Enjoying Boracay. Enjoying her freedom

Tanggap na niya ano man ang magiging komento sa kanya ng mga netizen sa kanyang pangangatawan.

Sabi nga niya, nagbabago raw talaga ang katawan natin gustuhin man natin o hindi.

Ang mahalaga, ayon kay KC, ay mahal mo ang katawan mo at sarili mo. Sinabi niya na gumagawa siya ng paraan o hakbang para makamit ang kanyang body goals.

Sinuportahan naman si KC ng mga netizens sa kanyang post na ito at sinabing sexy pa rin ang tingin nila sa kaniya ngayon.