Happy ang mga JADINE fans worldwide

James and Nadine are back via On the Wings of Love

Itinigil muna ng ABS-CBN ang taping ng mga teleserye nila bilang pagsunod sa mga patnubay ng pamahalaan kaugnay sa COVID-19 outbreak at para sa kaligtasan ng lahat ng staff.

Dahil dito ay hindi muna mapapanood ng mga Kapamilya viewers ang mga paborito nilang programa sa primetime na na nagsimulalast night, Marso 16.


Ilang alternative solution ay muling ibabalik ng Kapamilya Network ang mga programang naipalabas na nila sa nakalipas na sampung taon na nagsimula na last Monday..

Ang Pamilya Ko ay pinalitan ng teleseryeng 100 Days to Heaven na pinagbidahan nina Coney Reyes, Jodi Sta. Maria, at Xyriel Manabat.

Ang Make It With You ay pinalitan ng hit romantic comedy series nina Nadine Lustre at James Reid na On The Wings of Love na for sure ikasisiya ng mga JADINE fans. 

Habang ang A Soldier’s Heart naman ay papalitan ng mystery thriller na I Am U, ang iWant original series ni Julia Barretto.

Tinitiyak ng ABS-CBN sa mga manonood na pansamantala lamang ang mga pagbabagong ito. Ibabalik ang regular programming kapag bumuti na ang sitwasyon.

Sa Twitter ay agad nag-trending ang topic na “OTWOL”, senyales na sobrang nami-miss na ng mga JaDine fans ang kanilang mga idolo na muling mapanood sa primetime.

“I have reason to watch TV again bc OTWOL is back! OTWOL IS ONE OF MY FAVE PH TELESERYE OF ALL TIME, INDEED THE GAME CHANGER! It changed my perspectives in life,” ang tweet ni @GENiesparks16.

“Yeeeeesssss OTWOL is back good !! I can stay home no need to get out the house for corona virus  na yan,” dagdag naman ni @313marilou.

Base sa response na nakuha ng ABS-CBN, mukhang tatangkilikin pa rin ng mga tao ang kanilang pansamantalang line-up para sa Primetime Bida.