Wendell Ramos: Papable na Bumbero

Wendell Ramos

 Habang hindi pa nagre-resume ang taping ng pinagbibidahang GMA Afternoon Prime soap na ‘Prima Donnas,’ nagpasya ang Kapuso actor na si Wendell Ramos na sumabak sa firefighter training. 

Sa latest Instagram posts nito, ipinakita niya sa kanyang fans at followers ang naging training sa ilalim ng Ang Bumbero ng Pilipinas (ABP), isang non-government organization na layuning maghatid ng impormasyon sa iba’t ibang firefighter groups sa bansa. 

“It was really an honor to train and be a certified ABP #angbumberongPilipinas. But to be honest, I need to learn and experience more. It's truly a humbling experience for me at sa inyo pong lahat na mga bumbero ng Pilipinas, #saludo po ako sa inyong lahat. Mabuhay po ang ABP nating lahat!”

Wendell is your sexy bumbero

Isa sa mga unang bumati sa latest achievement ng aktor bilang isang certified Ang Bumbero ng Pilipinas (ABP) firefighter ay ang kanyang co-star sa top-rating series na si Katrina Halili. Komento nito, “Grabe galing! Congrats Jaime @wendellramosofficial.”

Samantala, tuloy pa rin ang online reunion ng cast sa ‘Prima Donnas: Watch From Home' tuwing Biyernes at 5pm sa Facebook page, Twitter account, at YouTube channel ng GMA Network.

*****

Dahil sa COVID-19 pandemic, isa sa mga naantala ay ang graduation sana ng Kapuso actress na si Bea Binene sa culinary school. 

Kwento ni Bea sa kanyang Instagram post, nagsimula siyang mag-aral at kunin ang kursong Professional Culinary at Pastry Arts last year sa Center for Asian Culinary Studies. 

Bea Binene

At this year nga ay nakatakda na sana siyang grumaduate.

“A year ago, I started studying culinary.. dapat ngayong mga oras na 'to, baka naka pag repertoire na or legacy buffet or nagri-ready na sa graduation yung class namin."

*****

Matapos ang higit 100 days na hindi sila magkasama, reunited na sa wakas ang Kapuso star na si Heart Evangelista sa kaniyang asawa na si Governor Chiz Escudero. 

"At long last!" ang caption ni Heart sa much-awaited reunion nila ng kanyang 'babe.'

Gov. Chiz Escudero ang Heart Evangelista

Upang gampanan ang kanyang tungkulin sa hinaharap na COVID-19 pandemic, kinailangang manatili ni Chiz sa Sorsogon. Habang si Heart naman ay patuloy ang ginagawang pagtulong mula sa Manila.

Magkahiwalay man silang dalawa, iisa ang layunin nila at ito ay ang maghatid ng tulong sa kanilang mga kababayan sa Sorsogon.

*****

Nagkaroon ng quarantine pregnancy ang former teen actress na si Emma Roberts.

Kinumpirma ng Hot Hollywood news podcast ang balitang buntis na ang pamangkin ni Julia Roberts na si Emma at ang ama ng kanyang pinagbubuntis ay ang actor-boyfriend na si Garrett Hedlund.

Emma Roberts

Noong March 2019 unang na-link sina Emma at Garrett na matagal nang magkaibigan. Nangyari ito pagkatapos na makipaghiwalay si Emma sa kanyang ex-fiance, ang aktor na si Evan Peters.

Six years din tumagal ang relasyon nila Emma at Evan noong magkasama sila sa 2012 film na Adult World at magsama sa four seasons ng American Horror Story.

Ang current boyfriend ni Emma na si Garrett ay naging boyfriend ng aktres na si Kirsten Dunst mula 2011 hanggang sa naghiwalay sila in 2016.