Marian Rivera at Kris Bernal: Tuloy pa rin ang gawa sa panahon ng pandemya

Marian Rivera and Kris Bernal

 Sa latest video ni Kapuso Primetime Queen Marian Rivera makikitang isa siyang proud mom sa masipag niyang panganay na si Zia Dantes.

Sa IG story ng aktres, ipinakita niyang naghuhugas ng kubyertos ang anak na naka-suot pa ng cute na pink apron.

The mother-daughter team of Marian and Zia

Marami ang humanga kay Marian sa paggamit ng panahon na ito para turuan ang mga anak niya ng mga gawaing bahay.

Kinuwento ni Marian sa online All-Out Sundays show na may sistema silang sinusundan ngayon sa bahay.

"Dinivide namin 'yung araw into three. So halimbawa sa morning, time for learning. Tapos sa afternoon, time for play. Tapos sa gabi, 'yan na 'yung bonding namin."

*****

Dahil sa pagbabalik-ere ng Wish Ko Lang muling nagkatrabaho ang magkaibigang sina Aicelle Santos at Maricris Garcia. 

Maricris ans Aicelle

Ang dalawang Kapuso singers kasi ang kumanta ng theme song ng GMA Public Affairs program na bumalik noong July 11.

Sey ni Aicelle na happy at excited siya sa kanilang collaboration ni Maricris kahit na di sila personal na nagkita at nakapag-record together dahil na rin sa COVID-19.

“Sobrang happy and at the same time na-excite kasi I get to sing with Maricris again. Sa iba nga lang na set-up kasi magre-record kami sa kani-kaniyang bahay namin.” 

Sey naman ni Maricris tungkol sa theme song ng Wish Ko Lang: “‘Yung every word, every lyric na nandoon, very specific. Simpleng-simple, madali siyang maintindihan. Catchy rin 'yung melody niya.” Nakatutuwa rin na sabay na ipinagbubuntis nina Aicelle at Maricris ang kanilang first baby ngayong 2020. 

 *****

Kris, helping small online businesses

 Good samaritan si Kris Bernal sa kapwa niya nagma-manage ng mga negosyo na humaharap sa krisis ngayong may COVID-19 pandemic. Sa Instagram post, ikinuwento niya na naglalaan siya ng panahon upang tulungan ang mga lumalapit sa kanya na small business owners. “I've been taking on some free small business shout outs to help out anyone whose business has been struggling during these times. I take my support seriously - with setup! Lol! Ang hirap din maging food blogger! Anyway, I do this to match the business owner's efforts." Ramdam kasi ni Kris ang hirap na dinaranas ngayon ng mga katulad niyang may negosyo. 

*****

Exciting adventures at interesting interviews mula sa local heroes ang hatid ng award-winning infotainment show na Amazing Earth sa kanilang bagong episodes na mapapanood simula July 26 sa Kapuso Network.

Dingdong is back on TV with Amazing Earth

Matapos ang ilang buwan, may handog na fresh content ang host ng programa na si Kapuso Primetime King Dingdong Dantes para sa kanilang viewers. 

Isa rito ang eksklusibong panayam ni Dingdong sa isang Pinoy student na nananatili sa Wuhan, China at inabutan ng lockdown noong kasagsagan ng COVID-19 pandemic sa bansa.

Alamin ang naging karanasan niya sa loob ng naturang lockdown na tumagal ng 60 days. Sundan din ang nakaka-amaze na kuwento ng mga hayop mula sa Indian subcontinent sa bagong series ng BBC na ‘Hidden India.’

Samahan si Dingdong na tuklasin ang natatagong ganda ng ating mundo sa bagong episodes ng Amazing Earth simula July 26, 5:25PM, sa GMA Network!