Gina Pareno: Hit na hit sa TikTok

Ms. Gina Pareno

 Hindi lang para sa mga bata ang pagkakaroon ng Tiktok, dahil pati na rin ang mga nakakatanda ay naroon na rin at sumusubok sa iba't ibang gimik at trending na challenge. Isa na rito ang beteranang aktres na si Gina Pareno na gumawa ng kanyang account noong nakaraang buwan lang.

Pero hindi papatalo si "Lola Gets" sa mga kabataan sa pagsasayaw at pag-arte. Nagsimula siya sa pagaya ng mga trending na sayaw at minsan ay sinasagot ang tanong mula sa comments. Masipag ang lola niyo sa pagbabasa ng mga comments lalo na ang mga pumupuri sa kanya at nagpapaalala ng kanyang mga dating projects.

May isa nang nagtanong sa kanya tungkol sa pagganap niya bilang darna noong araw. At kanyang nireveal na bagamat hindi siya ang unang Darna, siya ang kaisa-isang Darna na kulay "electric blue".

Tumi-TikTok si Manay Gina

Dahil siguro sa pagkakatenga sa kanyang bahay kaya naisipan na si Gina na sumali sa kinahuhumalingan ng marami lalo na ng mga kabataan ngayon. Naging opportunity din ito para ma promote ang replay ng kanyang Magpakailanman episode tungkol sa May-December relationship kasama si Jay Manalo.

Bongga! Naka-1.7 Million likes sa TikTok

Ang nakakahanga pa sa account niya ay kahit wala pa itong isang buwan ay nakaabot na siya ng 1.7 Million likes, may mahigit na 366.1K na followers at "verified" na account. Dinaig pa niya ang maraming artista na bagamat matagal na sa platform ay hindi kasing bilis ng paglaki tulad ng sa kanya.

Nakakaaliw talaga ang bawat post niya na nakakatangal ng stress lalo na sa panahon na ito. At kahit wala masyadong projects ay naipapakita pa rin niya na isa talaga siyang artistang game na game sa lahat at magbigay ng kasiyahan sa kanyang fans at followers.