Dennis at Jennylyn: Mayroon bagong dibersyon

Dennis and Jennylyn

 Kahit naka-quarantine sa bahay, busy pa rin ang Kapuso couple na sina Dennis Trillo at Jennylyn Mercado sa pag-aasikaso ng kanilang mga negosyo. 

Sa katunayan, si Jennylyn mismo ang punong-abala sa kanyang cookie business. 

“Wala naman kasing p'wedeng mag-handle nu'n so sa ngayon ako 'yung naghahawak ng mga orders tapos delivery. Happy naman ako na ako 'yung humahawak ng mga ganito. Tinutulungan din ako ni Dennis.” 

Dennis and Jennylyn, happy together sa love at negosyo

Pinaghahandaan na rin nila ang pagbubukas ng kanilang cat cafe at salon. Kwento pa ni Jen, happy at proud siya dahil natupad ang pangarap niyang maging baker dahil sa pamamalagi sa bahay habang mag lockdown. Kaya naman siya mismo ang nag-bake ng birthday cakes nila ni Dennis para sa kanilang nakaraang kaarawan. 

“Ngayon halos wala namang nagbebenta ng cake so wala kaming choice. Ako rin gumawa ng birthday cake niya tapos ako rin gumawa ng sarili kong birthday cake. Favorite ko kasi 'yung carrot cake.”

Maging si Dennis ay nahilig na rin sa pagbe-bake katulad ni Jen.

“Mahilig kaming manood ng videos onine so naghanap kami ng mga recipe para gumawa ng mga sarili naming cake tsaka mga pizza, tinapay.”

*****

Sa recent online interview kasama ang Asia’s Pop Diva na si Julie Anne San Jose, naibahagi niyang on-going pa rin ang online auditions para sa The Clash Season 3. 

Hanggang June 28 pa ang auditions at masugid raw ang pagsi-screen sa mga nagpapadala ng entries.

Julie Anne

“Kasi may mga nagsa-submit po na parang hindi maganda 'yung quality or hindi maganda 'yung tunog, so kailangan mai-screen po lahat 'yun. And then lately nag-livestream po kami with The Clash. Tapos na-explain naman din po 'yung mechanics kung ano po 'yung do's and dont's doon po sa pag-o-audition din po.”

Natanong rin ang The Clash Master kung handa na ba siya sakaling mag-taping na muli ang programa.

“Hindi pa po kami nabi-brief about that, pero right now mas naka-focus muna kami ngayon sa online content po namin. Kasi madami din po nagsa-submit ng mga entries nila and audition tapes, so ini-screen naman po namin lahat 'yun."

Para sa mechanics, pumunta lamang sa official Facebook page ng ‘The Clash’.

*****

Sa mga panahon ng hirap at kagipitan gaya ngayon na may kinakaharap na krisis sa buong mundo ay mas higit na makikilala natin kung sino ang ating tunay at tapat na kaibigan. 

Sa latest YouTube vlog ng Kapuso talent na si Benedict Cua, tinalakay nito kung paano nga ba makakahanap ng tunay na kaibigan at kung dapat na bang putulin ang mga relasyon na hindi na nakakabuti sa sarili. 

Benedict Cua

Ang tunay na kaibigan ay kung hindi ito nagpapadala sa peer pressure at kayang irespeto ang iyong desisyon.

“Doon mo mate-test kung totoo silang kaibigan 'eh kapag ni-reject nila 'yung 'No' mo and they didn't respect your decision, then you might as well stay away.

“A true friend would also love unconditionally. In general, kapag nagkamali ka, mage-gets niya kung saan ka nanggagaling and pagsasabihan ka niya pero hindi ka niya gagawing enemy.”