 |
| Barbie Forteza and Kate Valdez |
|
Habang stop muna sa taping n GMA series na pinagbibidahan nila ni Kapuso Primetime Princess Barbie Forteza at Kate Valdez, inaaliw muna ni Kate ang kanyang sarili sa sikat ngayong social media app na TikTok (ang daming celebrities na adik rin sa naturang app.-Ed)
Dahil bago pa lang sa TikTok, ang kapatid daw nito na si Karen ang nagturo ng dance moves sa viral song ni Justin Bieber na Yummy.
 |
| Barbie and Kate pang-aliw ang TikTok |
Pinuri naman ng netizens ang tinatagong galing ng Kapuso actress sa pagsasayaw.
“Ang galing naman sumayaw ni Caitlyn este Kate pala.” Biro pa ng TikTok user na si Irish dela Cruz, “Sana all magaling sumayaw.”
Bukod sa dancing, hinahangaan din si Kate sa husay nitong gumanap bilang si Caitlyn sa serye nila ni Barbie na Anak Ni Waray Vs. Anak Ni Biday.
*****
Isa si Kapuso Primetime King Dingdong Dantes sa mga nanawagan sa importansya ng pagkakaisa at kooperasyon sa gitna ng banta ng COVID-19.
Sa kanyang post sa Instagram, hinikayat ng Descendants of the Sun lead actor na ngayon mas kailangan na pairalin ang pagtutulungan ng bawat isa.
 |
| Dingdong Dantes |
"We are now in a battle that challenges systems, institutions and the very core of our humanity. At ang labang ito ay nangangailangan ng ating kooperasyon at pagtutulungan. Now, more than ever, we are challenged to be responsible citizens to the best of our abilities."
Bukod diyan, mahalaga rin ayon kay Dingdong na pag-ingatan ang katawan at protektahan ang ating mga sarili para lumakas ang ating resistensya laban sa virus at iba pang impeksyon.
“Nagsisimula ito sa pagpapalakas ng ating kalusugan at disiplina sa ating sarili, dahil dito nakasalalay ang kalakasan ng ating mga pamilya at ng ating komunida.”
Pinaalalahanan din ng Kapuso actor ang lahat na ang kasalukuyang krisis na ito sa kalusugan ay hindi lang laban ng gobyerno at mga private sector kung 'di laban din ng bawat isa.
Umani naman ng mga positibong komento mula sa netizens ang panawagan na ito ni Dingdong sa social media.
May new look ang Kapuso star na si Sanya Lopez at ayon sa kaniyang mga tagahanga, lalo siyang gumanda.
Pinuri ng Instagram followers ang short hair niya at bagay na bagay daw sa aktres.
 |
| Sanya Lopez |
Naging mas active sa social media ngayon si Sanya at panay ang update niya sa mga fans ng pinagkakaabalahan habang naka-quarantine.
Aliw na aliw din ang followers sa mga TikTok videos ni Sanya na talaga namang nakakapag-bigay ng good vibes.
Samantala, muli siyang mapapanood sa primetime bilang si Danaya sa hit 2016 remake ng telefantasya na 'Encantadia' pagtapos ng 24 Oras sa GMA Telebabad.
*****
Kabilang ang Asia’s Pop Diva na si Julie Anne San Jose sa nais maghatid ng entertainment sa ating mga kababayan habang meron pang enhanced community quarantine sa buong Luzon.
 |
| Julie Anne Sam Jose |
Sa isang YouTube video, inialay ng All-Out Sundays star ang kantang “Stand By Me” para sa lahat. Pinahanga niya ang mga subscribers sa short acapella cover ng sikat na kantang ito. Ramdam nila ang pag-asa sa inawit na ito ni Julie.
Dasal ni Julie na malagpasan nating lahat ang pagsubok na ito.
Comments