Clint: Ilusyon pa rin si Catriona

Clint Bondad

 Pagkatapos ng apat na buwang pahinga sa social media, muling nagbalik ang model-turned-actor na si Clint Bondad.

Updated na raw ang mga social media accounts nito. Sa kanyang Instagram, nag-post ito kamakailan sa kanyang IG Stories ng photo ng dalawang alaga niyang aso.

Nang tingnan ng netizens ang kabuuan ng IG ni Clint, hindi pa rin niya dini-delete ang photos ng ex-girlfriend niyang si Miss Universe 2018 Catriona Gray.

Clint, mahal pa rin si Catriona kahit may Sam na

Kahit karelasyon na ni Catriona ang aktor na si Sam Milby, hindi pa rin inaalis ni Clint ang photos nila ni Catriona. 

Pakiramdam ng netizens ay hindi pa rin kayang i-let go ni Clint ang higit na anim na taong relasyon nila ni Catriona. Pero tahimik pa rin si Clint tungkol sa relasyon ni Catriona kay Sam.

Last year ay na-link si Clint sa CEO ng JKN Global Media Public Company Limited na si Anne JKN na taga-Thailand.

Pero pinabulaanan ni Clint at Anne na wala silang anumang relasyon at parang magkapatid lang ang turingan nila sa isa't isa.

*****

Hindi raw ipagdaramot ni Willie Revillame ang pagbigay niya ng tulong sa former co-host ng Wowowin na si Super Tekla.

Pinarating kay Willie ni Donita Nose ang paghingi ng tulong ni Super Tekla para sa kanyang bagong silang na anak na may anorectal malformation o walang butas ang puwet nito.

Willie,palaging tumutulong

Sa programang Wowowin noong nakaraang Thursday, sinabi ni Donita  na nahihiya raw si Tekla na lumapit kay Willie at nakiusap na siya na lang ang magsabi rito.

“Kuya Will, walang-wala talaga si Tekla ngayon dahil tatlong buwan itong walang trabaho dahil sa lockdown. Kung puwede raw sana, matulungan natin siya para sa anak niya," sey ni Donita.

Sa Wowowin unang nakilala si Super Tekla pagkatapos siyang irekomenda ni Donita kay Willie. Hanggang sa nawala ito sa show.

Naging tapat naman si Willie sa pagsabi na may naging tampo siya kay Tekla dahil sa biglang pag-iwan nito sa kanilang show.

“Bago ang lahat, magkaalaman na tayo. Ang totoo ay hindi ko pinaalis si Tekla sa show. Siya ang umalis. Kasi nagte-taping kami tulog siya. Noong hinahanap namin siya, bigla na lang siyang nawala at umalis na raw.

“Hindi niya kami kinausap o tinawagan man lang para magpaliwanag. Nalaman na lang namin na kumuha siya ng sarili niyang manager.

Super Tekl, humingi ng tulong para sa anak

“Ako naman, di ako nagtatanim ng sama ng loob sa kahit kanino. Dahil may pinagdaraanan ka Tekla, at kailangan ipagamot ang anak mo, makakaasa ka ng tulong ko.

“Sabi ni Donita, nahihiya kang lumapit sa akin. Okey lang yon dahil handa akong tumulong para sa anak mo,” diin pa ni Willie.

Dagdag pa ni Willie na gusto niyang tapusin ang mga maling usap-usapan sa nangyari sa kanila ni Tekla.

“Tapos na yon at kailangan sa panahon ngayon, nagmamahalan tayo. Maging mabait tayo sa isa't isa. Tigilan na natin ang siraan dahil tayu-tayo rin ang magtutulungan sa bandang huli.”

*****

Isang nang ganap na degree holder ng BS Medical Technology mula sa Fatima University Medical Center in Antipolo ang ‘Bubble Gang’ babe na si Denise Barbacena. 

Proud niyang pinost sa Instagram account ang kanyang official graduation photo. 

Bubble Gang Babe Denise

“It took ten long years and a pandemic. I'd like to thank my family, dear friends, and loved ones who supported me and cheered for me every time things were a bit heavy to handle. 

“To my beloved professors and to my Artist Center family, thank you. You all made this journey possible. I am beyond blessed to be able to work and go to school at the same time. I don't know what the future holds, but will continue to walk in faith,” caption pa niya.

*****

Nagtapos na ang relasyon ni Ryan Seacrest sa kanyang kanyang 28-year old girlfriend na si Shayna Taylor.

Ryan and girlfried Shayna Taylor

Ayon sa spokesperson ni Seacrest: “Ryan and Shayna decided to end their romantic relationship amicably some time ago. They remain good friends, each other’s biggest supporters and will always cherish their time together as a couple.”

May nakitang ibang babae na kasama si Seacrest kamakailan.