LIZQUEN serye, nakakaumay na!

Liza Soberano and Enrique Gil, may sawa factor na!

Tila nauumay na ang ilang Kapamilya fans sa istorya ng Make It With You na pinagbibidahan ng reel-to-real couple na sina Enrique Gil at Liza Soberano. Sa Twitter ay tadtad ng negative comments mula sa mga fans ang nasabing Kapamilya teleserye. “MIWY is all over the place and does not flow well! I have no idea where you guys are going with this, and I don't mean that in a good way. Love liza and enrique, but it's getting harder to stay invested in this story”, tweet ni @sizzlasaladbar na halatang hindi gusto ang nangyayari sa sinusubaybayan n’yang programa. Panghihinayang naman ang laman ng tweet ng isang kilalang parody account. “Sayang ang potential ng LizQuen kung ganto lang ang plot ng mga series niya. TBH, hindi siya pasabog like Forevermore,” ang say ni @majasuperstar. Sinisi ng ilan ang writer ng LizQuen series na si Mark Angos. Ayon sa mga fans, hindi na raw kasalanan ng mga idols nila kung “pangit” at “mababaw” ang istoryang ibinigay ng Kapamilya network sa kanila. “Shoot to air sila, shoot sa umaga e.air sa gabi...ung director iba.iba...5 sila at the worst of all is yung writer,..daig pa ang nakatira ng katol...sabog!” paninisi ni @BlairBa70809442.

Noong 2018, si Angos din ang nagsilbing writer ng Bagani, another LizQuen series, kung saan kapansin-pansin ang tahasang pambababoy nito sa istorya. Tadtad din ng pambabatikos ang inabot ng Bagani dahil sa mga elementong isinisingit ni Angos, at iba pang mga eksenang halatang isiningit na lamang para pahabain pa ang istorya. Ngayon ay napag-trip-an n’ya naman ang Make It With You. Walang masyadong character development sina Billie at Gabo. Sana naman ay alisin na ng ABS-CBN si Angos sa buhay ng LizQuen kung paulit-ulit n’yang bababuyin ang mga proyekto ng dalawa. Hindi lang ratings ang maaapektuhan sa ginagawa n’ya, kun’di pati na rin ang mga fans na nagtitiwala sa mga idolo nila. Well, mabuti na lamang at malakas ang charm ang LizQuen kahit nakakaumay ang plot ng teleserye nila. Wagi pa rin ang Make It With You sa ratings game laban sa Filipino adaptation ng Descendants of the Sun, na pinagbibidahan nina Dingdong Dantes at Jennylyn Mercado, mapa-Kantar Media man o AGB Nielsen. Pakak!

*****

Ikinasal na nitong March 7 ang dating Goin’ Bulilit star na si Carl John Barrameda sa kanyang fiancée na si Nikolai Cimatu.

Si Carl ay kasama sa first batch ng nasabing kiddie gag show na umere sa ABS-CBN mula noong 2005 hanggang 2019.

Mabuhay ang bagong kasal!

Sa loob ng 14 taon na pamamayagpag nito sa ere, si Carl pa lamang ang kauna-unahang Bulilit alumnus na ikinasal.

Present sa kasalan ang mga co-stars niya noon at mga kaibigang sina Miles Ocampo, John Manalo, Igiboy Flores, CJ Navato, at Alfred Alain.

Noong February 19 ng nakaraang taon nang ma-engage ang dalawa sa Hong Kong.

Best wishes, Carl and Nikolai!